Shiu i meteorëve në Evropë dhe Azi!

Shiu i meteorëve në Evropë dhe Azi!



Paris, 8 tetor 2011
Planeti i Tokës të shtunën mbrëma do të hyjë në renë “e mbetjeve” të kometës 21P/Xhakobini-Ziner dhe me këtë rast “shiu i meteorëve” do të jetë i dukshëm në Evropë dhe Azi, një fenomen i rrallë që nuk do të përsëritet për 40 vjet, ka bërë të ditur Observatoriumi i Parisit.
Astronomët thonë se nëse moti do të jetë i kthjelltë, njerëzit do të kenë mundësi të shohin rënien e 60 deri në 600 “yjeve” brenda një ore, ose një deri në dhjetë në minutë.
Më së shumti do të ketë ndërmjet orës 19:09 deri 21:57 sipas kohës së Evropës Qendrore, ka bërë të ditur observatoriumi.
Pritet që “shiu i fuqishëm i meteorëve” të vazhdojë rreth orës 23:00 sipas kohës së Evropës qendrore.
Miliona grimca të pluhurit, duke hyrë në atmosferë me shpejtësi prej 80.000 kilometra në orë, do të na mundësojnë që të shohim deri në 600 meteorë në një orë, gjë e cila do të ndodh pas katër dekadash, kur Toka serish të kalojë pranë kësaj pjese të resë.
Kometa 21P/Xhakobini-Ziner është zbuluar në vitin 1900./kp/