Sterjo Spasse lindi me 14 gusht te vitit 1914 ne fshatin Gllomboç te Prespes, ne rrethin e Korces. Shkollen fillore e kreu ne vendlindje dhe ne Korce, ndersa shkollen e mesme, ne normalen e Elbasanit, me 1932. Punoi per nje kohe te gjate si mesuaes ne Dervican te Gjirokastres, ne Voskopoje, ne Korce e Tirane, si inspektor arsimi ne Ministrine e Arsimit ne Tirane, e me vone prane Lidhjes se Shkrimtareve dhe nArtisteve te Shqiperise, pastaj u trajtua si shkrimtar ne profesion te lire. Vitet e fundit doli ne pension. Eshte nder themeluesit e revistes "Normalisti" (1929-1937), ka hapur e ka mbajtur rubriken e arsimit ne revista "Bota e re", ka qene redaktor i revistes "Shkolla Shqiptare". Ka qene nder themeluesit e pare te revistes pedagogjike pas Çlirimit "Shkolla e re", "Arsimi popullor" dhe te revistave letrare "Literatura jone", "Nentori" etj etj.
Veprimtaria krijuese e Sterjo Spasses eshte e larmishme. Ai fillon te shkruaje qe ne bankat e shkolles Normale te Elbasanit, me 1929, fillimisht shkrime publicistike me karakter social e pedagogjik.
Me 1932 botoi monoigrafine "Prespa e vogel". Botoi rreth pese vellime me permbledhje tregimesh: "Kurore rinie" 1934 1963. "Ne krahet e nje femre" 1934, "Nusja pa duvak" 1944, "Te fala nga fshati" 1958, "Sokolesha" 1967.
Per ato qe e bejne te njohur emrin e tij si ne mjediset intelektuale, ashtun edhe ne ate te popullit jane romanet: "Pse?!..." 1935. "Aferdita" 1944, "Ata nuk ishin vetem" 1952. "Aferdita perseri ne fshat" 1954. "Buze liqenit" 1965 "Zjarre" 1972.
Ka botuar rreth 13 vepra te tjera qe jane tekste shkollore si "Antologji per shkollat shtatevjecare e te mesme", "Gramatike e gjuhes shqipe", "Letersia e huaj", "Teoria e letersise", etj etj. Ka perkthyer edhe romanet "Te mjeret" e Viktor Hygoit 1935, "Kasollja e xha Tomit" 1958, "Nusja" te Karasllavovit 1958 dhe vellimin me tregime "Albena" te Jordan Javkovit 1966.
Vdiq me 12 shtator 1989.
Forum 
Publications 
Gallery 
3rd October 2011, 16:58
