Njerëzit çdo dhjetë vjet zvogëlohen për 1,25 cm

Harvard, 27 shtator – Në moshën 30 vjeçe njerëzit arrijnë lartësinë më të madhe të shtatit, e pastaj nisin të zvogëlohen. Kështu kanë zbuluar shkencëtarët e Universitetit të Harvardit. Për shumicën e njerëzve ky është një proces normal, kur unazat e kurrizit petëzohen, kurse muskujt zvogëlohen dhe për pasojë humbin 1,25 cm.

Zvogëlimi dramatik mund të jetë indikator i problemeve serioze shëndetësore, siç është osteoporoza, që rezulton nga masa e palcës kurrizore dhe plasaritja e eshtrave. Kështu mashkulli 70 vjeç, i cili gjatë dy vjetëve zvogëlohet për pesë centimetra ka rrezik të dyfishtë më të madh për frakturë të kërdhokullave nga moshatarët e tij.

“Aktiviteti fizik, qëndrimi pozitiv, ndërprerja e duhanit dhe ushqimi i shëndetshëm që ofron kalium e vitaminë D me bollëk ngadalëson zvogëlimin, por nuk mund të injorohet predispozicioni gjenetik” pohojnë shkencëtarët.