PTK privatizohet me 2012

Qeveria e Kosovës këtë vit nuk do të mund t’i inkasojë mjetet e parapara nga shitja e Postë-Telekomit të Kosovës (PTK), kjo për shkak se procesi i privatizimit të PTK-së nuk do të përmbyllet sivjet. Zyrtarët e Ministrisë së Zhvillimit Ekonomik (MZHE), kanë bërë të ditur se procesi i privatizimit të PTK-së nuk do të mund të përmbyllet këtë vit. “Procesi i shitjes së aksioneve dhe përmbylljes së kontratës pritet që të përfundojë brenda pjesës së parë të vitit të ardhshëm”, thuhet në përgjigjet e zyrës për informim të MZHE-së. Sipas tyre, në proces për blerje të aksioneve të PTK-së kanë aplikuar 5 kompani. “Procesi i parakualifikimit ka bërë një seleksionim fillestar të dy kompanive. Më vonë, pas kërkesës për shtyrje të afatit të privatizimit nga njëra prej kompanive të kualifikuara dhe një nga kompanitë e pakualifikuara është vendosur t’u jepet edhe një mundësi 5 kompanive pjesëmarrëse në proces për ta shprehur interesimin e tyre edhe një herë”, thuhet në përgjigjen e zyrës për informim të MZHE-së.

Zyrtarët e MZHE-së kanë njoftuar se vlerësimi i kompanive që kanë aplikuar do të bëhet javën që vjen, kur do të rishqyrtohet shprehja e interesit të tyre në përputhshmëri me kërkesat për parakualifikim, të cilat nuk kanë ndryshuar që nga fillimi i procesit. Hapi i ardhshëm, sipas MZHE-së, është shpallja e tenderit, ndërsa pastaj vjen pranimi i ofertave teknike dhe në fund pranimi i ofertave financiare.

Do pësoj humbje të madhe Kosova me këtë privatizim, është vëret për të ardhur keq si kan aq shumë zemer këta udhëheqësit tan, ta shesin Kosovën pa pikë mëshire?