Organizma njëqelizorë sa shuplaka 10 mijë metra nën det

Organizma njëqelizorë sa shuplaka 10 mijë metra nën det



Hulumtues të thellësive më të mëdha oqeanike gjatë decenieve të fundit kanë bërë zbulime të pabesueshme e fundit vjen nga shkencëtarët e Institutit Screeps për Oqeanografi në Universitetin e Kalifornisë në San Diego. Ata në Llogoret e Marianit në Oqeanin e Qetë, në thellësinë 11 kilometra, kanë zbuluar organizma njëqelizorë të mëdhenj sa shuplaka e njeriut.
Ksenofioforët janë organizma njëqelizorë të mëdhenj 10 cm që jetojnë ekskluzivisht në thellësitë e mëdha por deri më tash nuk ishin lokalizuar aq thellë nën sipërfaqe. Shkencëtarët amerikanë i gjetën në thellësinë 10,6 kilometra.
Rekordi i deritashëm për ksenofioforë ka qenë thellësia 7,6 kilometra. Këta organizma ngjasojnë në meduza, e trupi i tyre mund të përballojë shtypjen e tetë tonëve në sipërfaqen prej 2,5 centimetra, dhe kjo gjë u mundëson të qëndrojnë në kushte të tilla.